L'asturiana Metrohm Dropsens quier convertise nun referente de la economía circular

La empresa forma parte d'un proyectu pa reutilizar el metal que s'use pa fabricar sensores

Metrohm Dropsens ye una empresa anovadora de base biotecnolóxica. Ente los productos que fabrica tán los sensores d'un únicu usu que s'usen en múltiples sectores. Agora por aciu de la economía circular, va ser posible reaprovechar el metal del que tán formaos.

Pa contribuyir al reciclaxe d'estos materiales, esta empresa d'Uviéu participa nun proyectu formáu por 11 socios europeos.

El proyectu asítiase nel programa Horizonte Europa, tien un llargor de 36 meses y un presupuestu de cuatro millones d'euros de los qu'un 10% van recalar n'Asturies.