Nuevu serviciu de Seresco pa pidir parte del salariu

La pandemia acelera l'aumentu de la demanda de lliquidez por parte de les families

Les nueves tecnoloxíes dexen pidir la parte devengada del salariu so demanda, dende una aplicación móvil y darréu, ensin esperar al día de cobru de la nómina.

L'asturiana Seresco, que xestiona 150.000 nómines al mes, entamó a ufiertar esti serviciu de recién implantación n'España, a les sos empreses veceres.

Detrás de l'aplicación ta Devengo, una empresa madrilana qu'en pocos meses de funcionamientu pasó a facturar millones d'euros con esti serviciu.

Seresco y Devengo constaten que la pandemia aceleró l'aplicación de les nueves tecnoloxíes y un aumentu de la demanda de lliquidez por parte de les families. El 40% de los usuarios de Devengo pide anticipos davezu.