Tecnoloxía asturiana pa detectar canceríxenos nos alimentos

Centaurea desarrolla un sistema comercial pa detectar la presencia d’acrilamida

Afreelamide ye'l nome la ferramienta que la empresa asturiana Centaurea ta desenvolviendo pa la industria alimentaria. Ye un sensor d'infrarroxos que detecta la presencia d’acrilamida, uno sustancia clasificada como probable axente canceríxenu que se xenera al cocinar ciertos alimentos a altes temperatures.

Apaez en pan, galletes, cereal, aperitivos de pataca, bollería o café. L'autoridá europea de seguridá alimentaria obliga a facer controles d'amueses añales dende l'añu pasáu, pero esti detector va midir la so presencia en tolos alimentos procesaos.

Esti branu yá van cuntar con llaboratoriu propiu n'Asturies y el prototipu va tar operativu l'añu que vien. Va ser validáu por unu de los mayores fabricantes del sector.

Cola vista puesta tamién na hostelería, el plan de negociu inicial de Centaurea consiste n'instalar sensores nes llinies de producción a mui baxu costu, pa cobrar pol so usu. Amás van axuntar tola información posible pa crear una gran base de datos de productos alimenticios, que dexe calibrar otru tipu de parámetros nocivos pal consumu humanu.