Un estudiu conclúi que la convivencia ente llobos y ganaderos ye posible

Petersson apuesta por crear una certificación que medre'l preciu que se paga pola carne de los animales

Un estudiu lideráu por Hanna Pettersson, del Institutu de Sostenibilidá de la Universidá de Leeds, nel que collaboró José Vicente López Bao, investigador de la Universidá d'Uviéu, conclúi que la convivencia ente llobos y ganaderos ye posible.

Propón crear instituciones capaces d'adaptase y mediar ente les partes, llexitimar a quien toma les decisiones, y amenorgar la interacción con llobos garantizando una población estable d'estos carnívoros

La investigación apaez na revista 'Frontiers in Conservation Science​' tres años d'estudiu en Cangues d'Onís, Zamora y Cáceres. Tres comunidaes fueron oxetu d'estudiu: onde'l llobu nun llegó a desapaecer, onde tornó y onde s'espera la so llegada.

El común denominador, les males condiciones llaborales de los trabayadores del campu. Pa tornalo propón qu'a les comunidaes onde'l llobu siempres esistió ameste nos subsidios, pagar meyor y crear una certificación "pro-biodiversidá" qu'aumente'l preciu de la carne de los sos animales

Perros guardianes, estabular a los animales pela nueche, o acompañalos de sol a sol, son midíes que funcionen recueye l'estudiu pero son cares pa los ganaderos y la so eficacia varia según factores como la xeografía y el turismu.

Esti últimu factor podría ser clave yá que dexaría'l caltenimientu del llobu al empar qu'apurriría más ingresos a les comunidaes implicaes.