Asteroides como fonte de minerales

Fierro, platinu, níquel y aluminiu son dalgunes de les composiciones d'esos asteorides

Na contornada de la Tierra hai miles d’asteroides, conocíos como Neas. Pero na mayor parte de los casos nun se sabe nin la so forma nin les sos característiques. Y eso ye lo que fai Javier Rodríguez. Nel Institutu de Ciencies Espaciales de la Universidá d’Uviéu l’oxetu del so doctoráu ye la modelización d’asteroides. Conocer la so magnitú dexa evaluar el so peligru énte una amenaza d’impactu.

Conocelos tamién tendrá aplicaciones nel futuru. Por exemplu, la estracción minera d’elementos escasos na Tierra. Y el so aprovechamientu na construcción aeroespacial.

Mui poques persones nel mundu faen esta modelización. Fierro, platinu, níquel y aluminiu son dalgunes de les composiciones d’esos asteorides. El so aprovechamientu, sicasí, ta entá tan lloñe como ellos.​