Baxa l’usu d’animales na esperimentación científica

Espertos apuesten pola tresparencia sobre estes práctiques

L’usu d’animales n’investigación ye ente’l 30 y el 40% inferior al de va una década. Con too, cada añu los llaboratorios españoles usen 800.000 animales.

El so usu entovía ye imprescindible pa desendolcar tratamientos terapéuticos, según señala Lluis Montoliu, investigador del CSIC especializáu n’enfermedaes rares y unu de los promotores del alcuerdu de tresparencia sobre l’usu d’animales n’esperimentación científica n’España, nel que ta inxerta la Universidá d’Uviéu.

Montoliu considera la tresparencia sobre estes práctiques fundamental pa facer frente a les crítiques de los que tán a la escontra. Tien que quedar claro pa la sociedá que se fai con responsabilidá y namái cuando ta xustificáu, dixo.

L’investigador asegura, nel seminariu impartíu na Universidá d’Uviéu, que los modelos alternativos qu’hai güei a esta esperimentación nun dexen beneficios asemeyaos.