Medren un 7% los presupuestos destinaos a Ciencia

Quier crease l’Axencia de Ciencia y Anovación

La Conseyería de Ciencia va cuntar con un presupuestu de cuasi 200 millones. Medra más d’un 7% al respective del añu anterior.

Impulsar la Universidá, la carrera científica n’Asturies y la retención de talentu y fomentar l’anovación nes grandes y pequeñes empreses sedrán les grandes exes.

Un total de 13 millones van destinase a grupos d’investigación y formación. Nel 2019, contratáronse 300 nuevos investigadores y aspírase a una cifra asemeyada, con unes convocatories previstes pal primer semestre del 2021.

Nesi sen, tamién quier crease l’Axencia de Ciencia y Anovación y avanzar na Llei de Ciencia.

Otra de les exes ye l’impulsu de la I+D+i.

Amás, destinaránse ocho millones pa pequeñes y medianes empreses, y pa la creación y afitamientu d’empreses de base tecnolóxica.