David González Fernández va sustituyir a Eva Pando al mandu de l'axencia Sekuens

En castellano: David González Fernández sustituirá a Eva Pando al frente de la agencia Sekuens

El conseyu rector de Sekuens ta integráu por sindicatos, empresarios, cámares de comerciu y miembros del Gobiernu rexonal

El conseyu rector de l'Axencia de Ciencia, Competitividá Empresarial y Innovación Sekuens alcordó esti miércoles proponer al Conseyu de Gobiernu'l cese de l'hasta agora directora executiva, Eva Pando, que dexa'l cargu pa trabayar pa la Fundación Caxa Rural d'Asturies, y el nomamientu de David González Fernández, director de la Unidá de Desenvolvimientu de Negociu y Estratexa de la Fundación Idonial.

Según informó esti miércoles el Gobiernu del Principáu, Pando dexa'l so cargu pa empecipiar una nueva etapa profesional venceyada a la Fundación Caxa Rural d'Asturies.

Inxeniera industrial pola Universidá d'Uviéu, Pando (Ayer, 1971) exerció dende 2015 la dirección xeneral del antiguu Institutu de Desenvolvimientu Económicu del Principáu (Idepa), tresformáu agora na axencia Sekuens.

Comparte