Detecten microplásticu n'angula garrada en ríos asturianos

La contaminación por microplásticu considérase anguaño una amenaza global

Una investigación liderada por la Universidá d’Uviéu identificó la presencia de microplásticu n’angula garrada en dellos ríos de la costa asturiana anque los sos autores consideren que, por mor del so altu preciu y poques captures, nun ye un alimentu de altu consumu poro, nun representaría de mano un riesgu cimeru pa la salú humana.

L’estudiu, fechu en collaboración col Centru d’Esperimentación Pesquera del Principáu d’Asturies y l’Acuariu de Xixón, acaba d’asoleyase na revista Environmental Pollution, y los sos autores insisten en que la contaminación por microplásticu considérase anguaño una amenaza global pa los organismos marinos y d’agua dulce.