El CSIC incluye a 70 científiques asturianes ente les 5.000 más destacaes del mundu

Adonina Tardón encabeza la llista de les científiques qu'exercen nel Principáu

El Conseyu Superior d’Investigaciones Científiques (CSIC) incluyó a 70 investigadores de la Universidá d’Uviéu dientro de la llista de les 5.000 científiques más destacaes del mundu.

Esta clasificación, que s’asoleya per primer vegada, ordena, según el númberu de cites y el so índiz (l’impactu de les sos publicaciones) a les investigadores que trabayen n’España y que cunten con perfiles públicos y personales en Google Académicu.

L’oxetivu d’esti llistáu ye medrar la visibilidá de les investigadores y el so trabayu utilizando esta ferramienta pública de fácil consulta.

Adonina Tardón, primer muyer qu’algamó la Cátedra de Medicina Preventiva y Salú Pública de la Universidá d’Uviéu, encabeza la llista de les científiques qu’exercen nel Principáu.