El Calendariu Científicu Escolar 2020 busca despertar la vocación en futuros investigadores

La propuesta quier averar la cultura científica a estudiantes españoles dende la paridá

Nacencies d’investigadores, avances científicos y delles curiosidaes fueron axuntaes nel Calendariu Científicu Escolar 2020, que recueye pa caldía del añu un aniversariu científicu o tecnolóxicu.

Tal día como güei, naz Susan Solomón, que señaló los clorofluorcarbonos como causa del furacu na capa d’ozonu. Un datu caldía del añu col qu’averar la ciencia a los más mozos.

Asoleyáu pol Institutu de Ganadería y Monte, CSIC y Universidá de Lleón, y coordináu pol investigador de Blimea Pablo Total, sigue la llinia d’almanaques asemeyaos asoleyaos en países como Rumanía y el Reinu Xuníu.

Nesti casu, l’equipu español volcóse p’algamar la paridá dientro de la so propuesta.

El calendariu y la guía didáctica que lu acompaña tán disponibles pa descargar de baldre, y tamién s’imprimieron 3.500 copies pal so espardimientu en centros educativos.

Pa favorecer la utilización nel aula, tornóse’l material al castellanu, gallegu, euskera, catalán y asturianu.