L'Hospital de Xove detecta con un 90% de precisión la metástasis nel cáncer de mama

Los resultaos van dexar un cambéu revolucionariu nos tratamientos y inclusive evitar quimio

Nel Hospital de Xove analicen cortes fechos a tumores de mama. Ye cuasi arqueoloxía biolóxica molecular. La unidá d'investigación del hospital de Xove ta llevando alantre un estudiu financiáu pol Institutu de Salú Carlos III qu'a finales d'añu va ser asoleyáu.

Les resultancies hasta agora son más que prometedores. Gracies a la intelixencia artificial la predicción del pronósticu ye más certera, detecta qué muyeres desenvolveríen metástasis.

Esto dexaría tratamientos muncho más personalizaos o inclusive evitar la quimio. Esti equipu tamién fizo otra investigación qu'acaba de ser espublizada.

Per 23 años fixeron siguimientu a mamografíes. Afayaron qu'esta ferramienta avezada pa detectar cáncer identifica tamién riesgu de trestornos oculares o d'infartu gracies a la localización d'arteries calcificaes.

Nesti estudiu participa la Universidá d'Uviéu que va encargase de desenvolver un sistema automáticu pa implementar esti descubrimientu.

L'análisis de datos y algoritmos contribuyen a prevenir enfermedaes y muertes, y tamién aprovechar meyor los recursos sanitarios.