L'Ictea imparte clases d'astronomía en centros escolares y residencies de vieyos

Recaldación de fondos pa poder siguir investigando la contaminación llumínica

L'Ictea, l'Institutu Universitariu de Ciencies y Tecnoloxíes Espaciales d'Asturies, ta dando charres y cursos d'astronomía en centros escolares y en residencies de vieyos. Los sos profesores tán faciéndolo pa recaldar fondos colos que poder siguir investigando la contaminación llumínica.

Ye una investigación na que pue involucrase cualesquier col so móvil y la so determinación. Ye un proyectu que yá taba en marcha pa configurar un mapa inéditu. El propósitu final consiste en sacar conclusiones pa si fuera necesario plantegar cambeos qu'eviten la sobreilluminación.

L'Institutu Universitariu de Ciencia y Tecnoloxía Espacial d'Asturies ufierta tres tarxetes simbóliques d'oru, plata y bronce en cuenta de dineru pa investigar. Nel colexu de la Milagrosa, d'Uviéu, mercaron una tarxeta de plata pa que los sos alumnos tengan una clase especial y un taller con científicos onde-yos desplicaron cómo s'estudia Marte dende'l xelu.

Los Pacientes de la Residencia xeriátrica Aramo tamién participaron.

Ye un tipu de contaminación qu'afecta a la biodiversidá, alteriando a les aves y a los insectos nocherniegos y resultando mala pa la nuesa salú y torgando la observación científica de los astros.