L'Incar llogra financiamientu estatal pa seis proyectos d'investigación

Fernando Rubiera reivindica la importancia de la ciencia

L'Institutu de Ciencia y Tecnoloxía del Carbonu (Incar) llogró financiamientu estatal de cuasi 900.000 euros pa seis proyectos d'investigación, dende la producción d'hidróxenu verde hasta'l desenvolvimientu de materiales de carbonu pa distintes aplicaciones d'almacenamientu y desenvolvimientu d'enerxía.

Fernando Rubiera, director del Incar, destaca, nuna entrevista a TPA Noticies Matinal, que la pandemia medró la importancia de la ciencia. Espera Rubiera​ que la inversión en ciencia nun quede en palabres y llamenta la fuxida de talentu al estranxeru.

Afita Rubiera que nun hai futuru ensin investigación. Incar tien en marcha otros cinco proyectos del Plan Nacional, tres rematen anguaño y va pidise la renovación.

A estos súmense otros cinco proyectos de la Xunión Europea y los grupos d'investigación del Principáu d'Asturies.