El Principáu apuesta pola creación d'un llaboratoriu de ciberseguridá
![La digitalización en las empresas incrementa el riesgo de sufrir un ciberataque](https://www.rtpa.es/fotos//21/10/20211019124442_RTPA1340182.jpg)
La dixitalización nes empreses medra'l riesgu de sufrir un ciberataque
El procesu de dixitalización nes empreses medró’l so riesgu de sufrir un ciberataque, un flancu que non toles compañíes y instituciones tienen bien cubiertu. La seguridá de los datos ye una llinia de negociu que siguirá medrando nel futuru.
Especialistes en seguridá dixital analicen los marcos técnicos y llegales de la protección de datos. Fáenlo na xornada 'Ciberseguridá y protección de datos na mio empresa', dientro del Alcuentru Impulsu TIC
Los espertos aseguren que toos tamos espuestos a un ciberataque, inxertes les empreses de cualquier tamañu y sector y les instituciones públiques, como universidá.
Sábenlo bien en compañíes como GAM, onde tuvieron qu’enfrentase a ciberataques y el teletrabayu multiplicóse por 40 cola pandemia.
El conseyeru de Ciencia, Anovación y Universidá, Borja Sánchez, manifestó la intención de que la empresa pública que xestiona les infraestructures de telecomunicaciones seya un llaboratoriu de ciberseguridá cola collaboración d’empreses y la Universidá d’Uviéu.
La seguridá de los datos ta abriendo nueves llinies de negociu. Piénsase qu’esti campu necesita 20.000 profesionales d’equí a cinco años n’España.