El Principáu quier impulsar misiones científiques en cinco ámbitos

Va apurrir 800.000 euros pal desenvolvimientu de los planes pilotu

El Gobiernu autonómicu quier impulsar misiones científiques en caunu de los cinco ámbitos que componen la so estratexa d'especialización intelixente (S3) como son l'agroalimentariu, l'enerxéticu, la industria 4.0, la salú y l'avieyamientu activu y otru qu'impulsa Asturies como un llugar atractivu pa vivir.

Asina lo afirmó'l conseyeru de Ciencia, Innovación y Universidá, Borja Sánchez, momentos enantes de la presentación de los proyectos impulsaos por seis consorcios público-privaos encargaos de desenvolver les primeres misiones científiques de la rexón nos ámbitos de la llonxevidá y l'avieyamientu activu y del amenorgamientu d'emisiones y gas d'efectu ivernaderu.

Asturies ye la primer comunidá autónoma que punxo en marcha'l programa de misiones científiques con seis consorcios público-privaos qu'axunten a 90 axentes del sector y representen cuasi a tol ecosistema.

Pa poner en marcha estes misiones, que busquen abordar un retu que dea beneficiu a la sociedá, el Principáu va apurrir 800.000 euros pal desenvolvimientu de los planes pilotu que tendrán que tar llistos enantes de final d'añu.