El Principáu va sofitar nueve empreses lideraes por doctores universitarios

El Principáu va destinar 90.000 euros pa impulsar la creación de nueve empreses innovadores lideraes por doctores universitarios

Según la convocatoria que va ser asoleyada bien llueu nel BOPA, la dotación total de l'ayuda pa cada persona va ser de 10.000 euros y el proyectu empresarial va ser en tres fases, ente'l 1 de setiembre y el 31 d'avientu.

La Conseyería de Ciencia, Innovación y Universidá; la Fundación pal Fomentu n'Asturies de la Investigación Científica Aplicada y la Tecnoloxía (Ficyt), xestora del programa; el Centru Européu d'Empreses y Innovación (CEEI), encargáu del asesoramientu y formación; y la Universidá d'Uviéu ponen en marcha una campaña p'animar a los doctores a entamar y tresferir la so conocencia al mercáu.