El Principáu va cuntar per primer vegada con un stand propiu nel Mobile Congress de Barcelona

Espérense más de 80.000 visitantes nel MWC, 20.000 más qu'en 2022

Aritium va llevar a la Mobile los sos desenvolvimientos nel ámbitu hospitalariu, onde consigue que xeres como midir les constantes vitales de los pacientes o climatizar les estancies puean faese automáticamente pa quitar trabayu al personal.

Los datos tómense al traviés de bandes pal pechu, sensores o pulseres intelixentes que los vuelquen nuna plataforma dende onde se controla too.

Human Analytics va amosar Sphoda en Mobile, una plataforma qu'ayuda a los deportistes a consiguir les sos metes y meyorar la so salú. Dexa tomar y almacenar datos de los entrenamientos y contactar con entrenadores y otros profesionales que puean interpretalos.

Alyses va llevar a la Mobile dos robots, unu enfocáu en xeres de seguridá y inspección y otru p'asistencia sociosanitaria.

Una decena d'empreses asturianes van amosar les sos meyores nesta prestixosa cita cola meta de llograr veceros, sinerxes y financiamientu. Per primer vegada va haber un stand del Principáu d'Asturies pa dar a conocer los sos programes pa impulsar starups.

Espérense más de 80.000 visitantes nel MWC, 20.000 más qu'en 2022

El Mobile World Congress espera atraer ente'l llunes y el xueves de la selmana que vien a más de 80.000 visitantes, 20.000 más que na edición anterior, anque entá per debaxo de la cifra récord de 2019, de 109.000 asistentes.

Envalórase qu'un 25% de los asistentes van ser asiáticos. Van participar más de 2.000 empreses espositores y van crease 7.400 empleos temporales.

Calcúlase que l'impactu económicu en Barcelona va ser de 350 millones d'euros.