Emilio Martínez Pañeda, doctor pola Universidá d’Uviéu, algamó’l premiu al meyor inxenieru mozu del Reinu Xuníu, que da la Real Academia d’Inxeniería británica.
El premiu, a comuña con otros cuatro mozos inxenieros, reconoz les investigaciones mundiales precursores que Martínez Pañeda lideró nes árees de mecánica de sólidos y inxeniería de materiales, informó esti llunes la institución académica asturiana.
El xuráu destacó los modelos computacionales desendolcaos pol inxenieriu asturianu y el so grupu d’investigación, que dexen predicir el fallu de componentes y estructures metáliques pola corrosión, la so esposición al hidróxenu o la so esposición a cargues cícliques.
Estos modelos tán siendo utilizaos na industria eólica pa predicir la vida de les turbines eóliques, y nel campu del hidróxenu pa desendolcar componentes que dexen almacenar y tresportar hidróxenu de forma segura.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL