El nucleu de la tierra pierde velocidá

Los científicos afiten que'l planeta sufre pequeños "temblores"

Unos investigadores de la Universidá de Pekín alerten nun estudiu de que'l nucleu de la Tierra ta ralentizándose. Pero ¿qué consecuencies pue tener esto? ¿Tamos énte la siguiente catástrofe mundial? Consultamos con una xeóloga planetaria de la Universidá d'Uviéu y asegura que pa eso entá quedaríen miles de millones d'años.

Hollywood plantególo en 2003 y nel so argumentu había parte de verdá. El futuru de la tierra podría ser esi, que pare'l nucleu y convertise nuna roca como ye Marte.

Anque afondando na investigación asoleyada en Nature Geoscience, lo que realmente afiten los científicos ye que'l nucleu internu de la Tierra, que xira más rápido que'l restu del planeta, sufre pequeños "temblores".

Lo realmente importante agora ye estudiar eses consecuencies, dicen los espertos. Si va haber más actividá volcánica, más terremotos… por esi microparón del nucleu, hai qu'estudialo.

Enagora nun fai falta que se preparen pa lo peor.