L'occidente yá tien un polu d'anovación pa proyectos de ciencia y conocimientu

La iniciativa tien como oxetivu fomentar la creación de nuevos trabayos y empreses emprendedores

L’ambiciosu polu d’anovación del occidente ta más cerca de ser una realidá dempués de la xunta que tuvieron esta mañana les partes implicaes: Gobiernu asturianu, Ayuntamientu de Navia, empreses collaboradores y la Fundación Manuel Suárez.

Cola presencia del conseyeru de Ciencia, Anovación y Universidá, Borja Sánchez, el pasu viniente sedrá, dixo, la constitución d’una Asociación Empresarial ensin fines d’arrequecimientu que llevará’l nome de Manuel Suárez. El proyectu cunta con una partida inicial de 100.000 euros nos presupuestos asturianos. Dotación a la qu’habrá que dir amestando otres partíes entá por definir del restu d’axentes implicaos.

Ente los oxetivos, un importante remocique d’esti edificiu, propiedá de la Fundación y pa la qu’entá nun hai plazos.

La iniciativa tien como oxetivu fomentar la creación de nuevos trabayos y empreses emprendedores baxo la collaboración público-privada pa salvar la falta de personal cualificao a la demanda industrial del noroccidente.