Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 17 de setiembre. 2019 16:42

Estudiu sobro la contaminación llumínica

Estudio sobre la contaminación lumínica
Estudiu sobro la contaminación llumínica

Va iguase un mapa d'Asturies únicu nesta materia

El recién creáu Institutu Universitariu de Ciencies y Tecnoloxíes Espaciales d'Asturies (Ictea) va desenvolver un proyectu sobro contaminación llumínica que va necesitar de la participación ciudadana y col que van iguar un mapa d'Asturies únicu nesta materia.

Imáxenes de satélite que percuerren el cielu d'España a Alemaña reflexen el nivel de contaminación llumínica na nuesa área. Un problema qu'afecta a la biodiversidá, alterando sobre manera a les aves y insectos nocherniegos, que ye malo pa la nuesa salú y que torga la observación científica de les estrelles, esos cuerpos celestes que nos recuerden que somos parte del cosmos.

El proyectu escoyíu pola Fundación Ficyt ente los cientos presentaos por otros centros y universidaes españoles llámase Astro y necesita de la participación ciudadana pa desenvolvese emplegando una aplicación que va tar disponible en menos d'un añu y cola que se van unviar fotografíes xeolocalizaes y nocherniegues. Con estes aportaciones, l'equipu d’Ictea va ellaborar un mapa detalláu d'Asturies con datos nunca enantes recoyíos.

Con esta información, l’Ictea va promover nes alministraciones un cambéu de normativa empobinada a non sobreilluminar. Una iniciativa que, en casu d'ésitu, podría treslladase a otres comunidaes autónomes.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL