Xixón prevé amenorgar la factura de la lluz en más d'un 50%

Les ciudaes fáense intelixentes

En Xixón ta l'únicu pasu de peatones d'Asturies que tien sensores de presencia. Ente les 00:00 y les 06:00 de la mañana, cuando daquién crucia, la lluz de les faroles que la arrodien intensifícase. Ye l'exemplu más ilustrativu de la transición dixital de la rede d'allumáu de la ciudá.

En 2021 toles faroles del conceyu, 45.000, van tar monitorizaes. Güei son unes 1.000 en fase de prueba. La tecnoloxía que lleven incorporada dexa programar a la carta la so illuminación y facilita la detección y solución d'averíes.

Nos 10 primeros meses d'esti añu, el consumu de lluz d'estes lluminaries amenorgóse más d'un 60% con respecto al mesmu periodu de 2016.

Esta rede internet de les coses, qu'entamó pol allumáu, tien la so réplica a escala nun llaboratoriu de la Universidá d'Uviéu que s'inauguró esta selmana. Un campu de pruebes al serviciu de les empreses tecnolóxiques y de grupos d'investigación que va evitar que trabayen a ciegues y aforrará-yos costos.

Nel llaboratoriu, estos díes, ensayen cómo "falar" coles faroles.