Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 9 de febreru. 2022 20:58

Impulsu a l'anovación tecnolóxica

Empresa tecnológica en Asturias
Impulsu a l'anovación tecnolóxica

Dieciocho empreses reciben 1,4 millones del Principáu

Un total de 18 empreses de base tecnolóxica reciben esti añu’l sofitu financieru del Principáu: 1,4 millones d’euros pa impulsar la so medría. Les sos árees son variaes pero abarquen dende la medicina, hasta la industria, finances o cosmética. N’Asturies, piénsase qu’hai 220 empreses anovadores que xeneren un millar de trabayos.

El Gobiernu d’Asturies impulsa’l mapa d’empreses anovadores de base tecnolóxica (EIBT) con una subvención de más de 1,4 millones pa 18 compañíes, d’elles 16 de nueva creación y dos en fase d’afitamientu.

Les 18 empreses beneficiaries de la última convocatoria d’ayudes presentaron esti miércoles los sos proyectos, qu’inxerten actividaes qu’abarquen distintos ámbitos, si bien son recurrentes los proyectos venceyaos a la intelixencia artificial, la dixitalización d’empreses, la telemedicina y les plataformes online pa tratamientos personalizaos.

Destaquen tamién iniciatives venceyaes con actividaes financieres, criptomonedes y ciberseguridá, asina como productos ecolóxicos p’animales de compañía o compuestos p’amenorgar emisiones n’agroganadería.

El conseyeru de Ciencia, Anovación y Universidá, Borja Sánchez, destacó la importancia d’apostar poles empreses anovadores de base tecnolóxica, porque suponen una forma de crear riqueza y trabayu de calidá.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL