Inauguráu en Llugones el centru d'estudios sobre la IA de la Universidá d'Uviéu

Más de 60 investigadores de la Universidá d'Uviéu trabayarán nel Centru d'Estudios sobre l'Impactu Social de la IA

La Universidá d’Uviéu inauguró esti llunes en Llugones (Siero) el so centru d’estudios sobre l’impactu social de la Intelixencia Artificial (CEISIA). Proyectu que busca estudiar cómo afecta a la educación l’usu d’esta tecnoloxía y la so interacción col ser humanu.

Esti nuevu centru d’estudios cunta con un apurrimientu añal de 100.000 euros del Ayuntamientu de Siero, qu’amás cede a la institución docente asturiana l’usu del antiguu edificiu de la Casa de la Cultura de Llugones pa la so sede.

Amás d’estudiar la dimensión social de la IA, esti proyectu, que tendrá un equipu científicu formáu por investigadores de la Universidá, busca analizar les implicaciones que se deriven del usu d’esta tecnoloxía nel ámbitu alministrativu, educativu, humanísticu y xurídico-social, especificó la institución universitaria nun comunicáu.