Investigación dende Asturies escontra les bacteries resistentes a antibióticos

L'Ipla ta en conversaciones con dos empreses españoles pa producir fagos y usalos como terapia compasiva

Los fagos son virus qu'infesten a les bacteries resistentes a los antibióticos y causantes d'infecciones recurrentes. Por casu, en persones con fibrosis quística, o prótesis de rodía o de cadril.

Nel Ipla investiguen cómo atayar la bacteria responsable de munches d'eses infecciones garraes nel hospital.

Una solución de precisión y personalizada frente a eses infecciones que, sollerta la Organización Mundial de la Salú, causen cientos de miles de muertes al añu.

L'añu pasáu España autorizó l'usu de fagos como terapia compasiva. Una opción qu'esperen que l'HUCA puea aplicar cuanto enantes. Productos que yá faen por casu en Francia, y pa los que l'Ipla ta en conversaciones con dos empreses españoles.