La Selmana de la Ciencia cuntará cola participación de 12.000 estudiantes y 200 investigadores

La XXII Selmana de la Ciencia de la Universidá d'Uviéu desendolcará ente'l 7 y el 20 de payares un ampliu programa d'actividaes

La XXII Selmana de la Ciencia y l’Anovación de la Universidá d’Uviéu desendolcará ente’l 7 y el 20 de payares un ampliu programa d’actividaes nel que participarán cerca de 12.000 estudiantes y alredor de 200 investigadores.

Esta iniciativa d’espardimientu científicu cuntará con conferencies, talleres, esperimentos y dos representaciones teatrales, informó la institución académica.

Una de les novedaes más destacaes sedrá la puesta en marcha de "Ciencia n’escena", un proyectu impulsáu en collaboración cola Conseyería de Ciencia y l’Ayuntamientu d’Uviéu.​