La Universidá d'Uviéu presenta la so moto eléctrica de competición​

La MS6 ye'l resultáu de tres años de trabayu d'un equipu formáu por 23 estudiantes

El grupu Wolfast UniOvi desendolcó la primer moto eléctrica de competición d’Asturies. La MS6 ye’l resultáu de tres años de trabayu d’un equipu formáu por 23 estudiantes de delles inxenieríes y de marketing.

El proyectu tecnolóxicu va acompañáu d’un plan de negociu, asociáu a un hipotéticu campeonatu mundial. Un aprendizaxe ensin precedente, n’opinión del grupu.

El Wolfast UniOvi ​apostó pol consumu eléctricu frente al fósil poles posibilidaes d’anovación. Esti vehículu inxerta un tren traseru con efectu antiagachamientu y una suspensión trasera meyorada.

La moto competirá esti fin de selmana nel circuitu Motorland d’Aragón, xunto a cuasi 80 equipos de tol mundu.

La MS6 tará pilotada por una persona federada en motociclismu. Quedar nuna bona posición, implica facilidaes pal desendolcu empresarial.