La espedición científica 'La España Azul' recala en Xixón p'analizar los ecosistemes marinos

La espedición pon el focu na contaminación por plásticu

La espedición científica 'La España Azul' recala estos díes en Xixón. La espedición, la primera navegando a vela alredor d'España, tien como oxetivu documentar l'estáu nel que tán los ecosistemes marinos, poniendo'l focu na contaminación por plásticu.

Faen amás actividaes divulgatives, al traviés de llimpieces de sableres, charres en colexos o con visites al barcu pa dar a conocer el so llabor.

Salieron en setiembre del País Vascu, y van navegar per tola mariña, incluyendo les islles, hasta xunu. N'Asturies, esti mes, centraránse en tres llugares: Xixón, Ribeseya y la reserva parcial de Barayu, en Navia.