Les startup tecnolóxiques tienen más opciones pa salvar la crisis del COVID-19

Cristina Fanjul asegura que la dixitalización de les empreses nun pue esperar  

Les startup tecnolóxiques tienen más opciones pa salvar la crisis del COVID-19, según señala la directora del Centru Européu d’Empreses y Anovación, Cristina Fanjul.

Nuna entrevista a TPA Noticies Matinal, Fanjul esplicó que la mocedá de les startups failes más fráxiles, pero la pandemia tamién-yos ufierta oportunidaes. La dixitalización yá nun pue esperar, poro, necesiten repensar los sos modelos de negociu pero sobre manera, que se resuelva la incertidume del horizonte.

L’emprendimientu yá cunta col sofitu de la nueva oficina de tresferencia del conocimientu. El so oxetivu ye que la investigación llegue a los mercaos favoreciendo les rellaciones cola universidá, la industria y los inversores.

Sedrá fundamental definir los sectores más punteros a nivel d’Asturies. Una especialización imprescindible p’acceder a los futuros fondos europeos de recuperación.

El CEEA ayudó a crear más de 1700 empreses nos sos 25 años en funcionamientu. Ocho de cada 10 sobrevivieron a los primeros cinco años.