López-Otín y Kromer definen nueves claves sobre l'avieyamientu y el cáncer

La investigación conclúi que son 12 los procesos moleculares que contribuyen al deterioru celular

Dos estudios empobinaos por Carlos López-Otín y Guido Kroemer, de les universidaes d'Uviéu y París, definieron tres nueves característiques moleculares y celulares que contribuyen causalmente al avieyamientu humanu y cuatro determinantes comunes al pasu del tiempu y el cáncer.

Nun primer estudiu, dambos investigadores concluyen que l'avieyamientu surdiría d'un compendiu de dolce procesos moleculares que de manera conxunta contribuyen decisivamente al deterioru celular y funcional acomuñáu al pasu del tiempu.

Estos investigadores definieron per primer vegada fai una década nueve factores que contribuyen al desenvolvimientu del avieyamientu, claves a les qu'agora incorporaron tres más que consideren esenciales nel desenvolvimientu d'esti complexu procesu biolóxicu.