Los virus bonos

Qué son los bacteriófagos, cómo actúen y les sos potencialidaes médiques

Los científicos tienen identificaos 5.000 virus denomaos bacteriófagos. Son virus bonos capaces de vencer a les bacteries que provoquen infecciones y una alternativa pa infecciones resistentes a los antibióticos.

Cuatro investigadores del Institutu de Productos Lácteos del Principáu, centru del CSIC, asoleyaron un llibru nel qu’espliquen de manera cenciella qué son los bacteriófagos, cómo actúen y les sos potencialidaes médiques, ente otros aspectos.

Pilar García ye coautora del llibru nel que tamién trabayaron les científiques Lucía Fernández, Diana Gutiérrez y Ana Rodríguez.

Estes científiques nun dulden de que nel futuru parte de los tratamientos abordaránse con estos virus. Amás, les terapies con ellos tamién tienen aplicación en veterinaria y nel mediu ambiente.