Poner música al xenoma, un retu pa un centenar d'escolinos de nueve institutos asturianos

El proyectu trata de trescribir el códigu xenéticu a melodíes siguiendo un esquema científicu

Poner música al xenoma. Ye'l retu al que se van enfrentar más de 100 estudiantes de Primaria, ESO y Bachilleratu de nueve centros educativos asturianos na Selmana de la Ciencia.

Pa crear les sos sinfoníes céntrense nel xen Notch1; la so mutación provoca la leucemia linfática crónica.

El proyectu 'Música Xenética' trata de trescribir el códigu xenéticu a música, d'igual manera que se trescribiría una proteína, esto ye, de tres en tres lletres, sustituyendo les bases nitroxenaes por notes. Síguese, d'esta manera, un esquema científicu qu'implica un altu grau de creatividá.

Ciencia y arte, vasos comunicantes. Misión: fomentar la llamada educación STEM.

El conseyeru de Ciencia, Innovación y Universidá, Borja Sánchez, quixo ser el primeru en crear la so propia partitura y consiguió que suene la so sinfonía.

El próximu 14 de payares va tener llugar un conciertu nel IES Aramo d'Uviéu, que se va tresmitir en 'streaming' y vamos saber a qué suena'l xenoma, a Beethoven o a Rosalía, va haber qu'esperar.