Premiu al Hospital Cuadonga por un sistema de telemedicina total

Los primeros en probar el sistema son 200 vecinos d'Asiegu y Pión​

L’Hospital Cuadonga de Xixón convirtióse nel primeru d’España en dar un pasu más allá de la telemedicina y ufiertar a distancia tolos servicios de siguimientu y prevención de salú.

Ye un sistema total que nun queda namás nes cites médiques. Pa facelo realidá hai años de trabayu y un retu, cuntar con una plataforma segura y al empar cenciella d’utilizar pa toles edaes.

Los primeros en probar esti sistema son 200 vecinos d’Asiegu, en Cabrales, y Pión, en Villaviciosa.

Nunca nun se fizo una plataforma total n’España y poro, l’Hospital Covadonga de Xixón recibió’l premiu de Bones Práctiques en xestión del Club de Calidá.