Un estudiu del CSIC y la Fundación Osu destaca'l valor medioambiental del osu

Ye quien a movilizar el mesmu númberu de semiente que tolos carnívoros xuntos de la so zona

Ye quien a movilizar el mesmu númberu de semiente que tolos carnívoros xuntos de la so zona
Nun estudiu del CSIC en collaboración cola Fundación Osu d'Asturies y la Universidá d'Uviéu, llimpiáronse, ensugáronse y pesáronse, nos postreros cuatro años, 18.000 semientes de Prunus. Más de 14.000 pertenecen a escrementos d'osu y el restu, cuasi 4.000, a escrementos d'otros carnívoros.

Nel llaboratoriu llímpiase con cribos, ensúgase a 40 graos nel interior d'una estufa y pésense una a una toles semientes. Una gran base de datos qu'a la espera d'un análisis fondu empieza a amosar les primeres conclusiones según Javier Naves, Tituláu Cimeru na Estacion Biolóxica de Doñana y director del proyectu.

Amás de movilizar de forma masiva y a llarga distancia les semientes los osos podríen escoyer los frutos con unes característiques determinaes. Ye la hipótesis na que trabaya la postrera investigadora que se sumó al proyectu, Lara Fernández.

Valórase que solo nel mes de xunetu, zrezales y otros tipos de Prunus, puen significar el 25% del total de l'alimentación d'un osu.

Una vez alcontraes les muestres son xeolocalizaes y marcaes en papel y enceráu y llápiz pa evitar que la so información puea ser borrada.