Un estudiu descubre que los osos usen señales visuales pa comunicase ente sí

Los osos pardos machos arranquen la corteya de dellos árboles nel tiempu de celu

Un estudiu apurrió evidencies de que los osos pardos, amás de comunicase con señales químiques, tamién lo faen con señales visuales arrancando la corteya de dellos árboles.

La investigación, liderada pol Muséu Nacional de Ciencies Naturales (MNCN), tamién cuntó cola participación de la Estación Biolóxica de Doñana (EBD) y l’Institutu Mistu d’Investigación en Biodiversidá (IMIB), los dos parte del Conseyu Superior d’Investigaciones Científiques (CSIC).

Pal artículu, asoleyáu esti martes en 'Journal of Mammalogy', l’equipu encargáu trabayó cola población d’osu pardu d’El Cordal Cantábricu usando foto y videu trampéu. Les imáxenes algamaes dexaron analizar el comportamientu de delles decenes d’individuos, como los 13 machos responsables de dexar marques nos árboles.