Un software asturianu qu'ufierta datos en tiempu real sobre l'usu de la rede eléctrica

Ye'l productu d'una startup de la Universidá d'Uviéu

Un software asturianu qu’ufierta datos en tiempu real sobre l’usu de la rede eléctrica ta a piques d’entamar a utilizase en países como Holanda o Australia.

Ye’l productu d’una startup de la Universidá d’Uviéu, recientemente premiada en Madrid, y que dexará que’l despliegue masivu del coche eléctricu o la instalación de paneles solares nos teyaos de les cases, sea posible daveres.

Analistes de rede, programadores, desendolcadores de páxines web, son los perfiles de les 20 persones que trabayen en Plexigrid, munchos, alumnos y alumnes internacionales de másteres de la Universidá d’Uviéu que s’encargan de que’l so productu siga siendo’l más competitivu del mercáu.