Una investigación afita científicamente que la pizarra resiste al fueu

Un material usao na construcción de viviendes, lo que podría ser de gran utilidá nos EEXX

Una investigación de la Universidá d'Uviéu afitó científicamente la resistencia al fueu de la pizarra, un material usao davezu na construcción de viviendes, lo que podría ser de gran utilidá nel mercáu norteamericanu.

L'estudiu asoleyóse na revista ‘Construction and Building Materials’, nos Estaos Xuníos, onde la fuerza de los incendios que se desaten cada branu fizo que la so llexislación al rodiu de los materiales de construcción seya cada vegada más restrictiva.

"Anque paeza de caxón, el mercáu de la piedra natural tien les sos duldes al respective de la resistencia de la pizarra pa cubiertes frente a l'acción del fueu, sobre manera, nel mercáu norteamericanu", esplicó nun comunicáu'l profesor del Departamentu de Xeoloxía de la Universidá d'Uviéu, Víctor Cárdenes.

Asina, alvirtió, los norteamericanos punxeron en dulda coses tan evidentes como la inflamabilidá de la piedra natural que s’usa en construcción y el sector de la pizarra pa cubiertes, material del qu'España ye'l primer productor mundial, viose obligáu a xustificar la so resistencia al fueu.