Una moza asturiana desarrolla una aplicación pa protexer a víctimes de violencia machista

La invisibilidá ye una de les sos virtúes, descárgase, instálase y desapaez

María González, una xixonesa recién graduada n'Inxeniería, diseñó pal so proyectu fin de carrera una aplicación que podría salvar munches vides.

Pa ello, tuvo un añu trabayando con Policía y Guardia Civil, conociendo qué fai falta pa protexer meyor a les víctimes de violencia de xéneru.

Tol trabayu convirtióse en 'Save Roses', una base de datos pa ser compartida por tolos Cuerpos que recueye les víctimes de cada zona o unidá, protexíes al traviés del so móvil.

L'aplicación permite pidir, por exemplu, una prueba gráfica de vida, amás la invisibilidá ye una de les sos virtúes, descárgase, instálase y desapaez. P'acceder, faise mediante una llamada que nun dexa nenguna buelga.

La Escuela d'Inxeniería ta en contactu col Ministeriu del Interior pa tratar de vende-yos el proyectu. María busca una empresa qu'acabe'l desarrollu qu'ella nun pue facer dende'l so ordenador personal.