Una ortopedia a midida pa Lala Ali Mahmud

Una collaboración ente Médicos del Mundu y l'Hospital Central d'Asturies

L'área de rehabilitación del HUCA diseñó una ortopedia a midida pa una moza sah.araui con graves remortines pola polio. Gracies a Médicos del Mundu y al Hospital Central d'Asturies torna a casa, al Sáh.ara, con meyor movilidá.

Lala Ali Mahmud axusta les correes de la so nueva ortopedia, la que-y apurrirá llibertá, llibertá pa movese y pa caminar.

Como a otros neños sah.arauis de finales de los 70 y mediaos de los 80, punxéron-y una vacuna escontra la polio en mal estáu. Tenía añu y mediu y hasta los 16 años solo pudo gatiar y arrastrase pel suelu de la h.aima. Dende va unos años yá camina y agora va facelo con más confort.

L'aparatu qu'ayuda a Lala salió del taller d'ortopedia del Hospital Central d'Asturies, un trabayu manual dafechu. Ella ta feliz y los profesionales que la atendieron tamién.