El Gobiernu aprueba l'anteproyectu de llei p'amenorgar la xornada llaboral a 37,5 hores
La ministra de Trabayu, Yolanda Díaz, fala d'un día históricu
El Conseyu de Ministros aprobó esti martes l’anteproyectu de llei qu’amenorgará la xornada llaboral a 37,5 hores selmanales, recoyendo l’acuerdu algamáu ente’l Ministeriu de Trabayu y los sindicatos, ensin el sofitu de la patronal.
Na rueda de prensa darréu del Conseyu de Ministros, la vicepresidenta segunda y ministra de Trabayu, Yolanda Díaz, punxo en valir esta midida que valdrá pa "modernizar" el país y aseguró que "güei ye un día históricu", nel que "merez la pena formar parte del Gobiernu d’España".
L’anteproyectu de llei, que tendrá que volver en segunda vuelta al Conseyu de Ministros, tendrá que siguir dempués cola so tramitación parllamentaria enantes de la so entrada en vigor.