La XE busca que la descarbonización puea llevase alantre d'una manera competitiva

La fueya de ruta pa los cinco años vinientes inxerta planes d'acción específicos en sectores como l'aceru

La fueya de ruta de la XE pa los cinco años vinientes inxerta planes d’acción específicos en sectores como l’aceru p’algamar una descarbonización competitiva. Un plan que cunta con dos iniciatives clave, que se detallarán el 26 de febreru viniente, un Pactu Industrial Llimpiu y un Plan d’Acción d’Enerxía Asequible.

L’oxetivu de la XE ye que’l procesu de descarbonización pue llevase alantre d’una manera competitiva. Per un llau, con un Pactu Industrial Llimpiu, p’atrayer a les empreses, destaca María Canal Fontcuberta, xefa de prensa y vocera de la Representación de la Comisión Europea n’España.

Un pactu qu’inxerta un mayor sofitu a la industria electrointensiva, con planes específicos pa sectores con mayores torgues nesa transición, como’l del aceru, que se pondrá en marcha dende primavera.

Tamién con un Plan de Acción d’Enerxía Asequible, p’amenorgar los precios y costos enerxéticos.

L’últimu cuatrimestre del añu impulsaráse amás la Llei d’Aceleración de la Descarbonización Industrial pa facilitar y axilizar la concesión de permisos a proyectos qu’avancen pa esa transición llimpia.