Anesco alerta sobre l'impactu que'l coronavirus tendrá na xera portuaria

Nel cai d'El Musel opera dende mediaos de 2019 la multinacional china Cosco

La patronal de les empreses estibadores qu'operen nos cais españoles, Anesco, alerta sobre l'impactu que'l coronavirus va tener na xera portuaria nes próximes selmanes

Calculen que de mano pue provocar una mengua d'hasta'l 30% na xera de delles terminales de contenedores españoles, un porcentaxe que pue siguir aumentando.

Nel cai d'El Musel, en Xixón, opera dende mediaos de 2019 la multinacional china Cosco, la cuarta naviera más importante del mundu. Fai una conexón col norte d'Europa qu'enllaza El Musel con terminales de tol mundu.