El comerciu electrónicu llegó pa quedar, pero detrás del clic de compra hai consecuencies que la mayoría de los consumidores desconocemos. El 40% del tráficu nes ciudaes vien de les furgonetes de repartu. Si tenemos en cuenta qu'hasta la metá de lo que mercamos nestes feches devuélvese, l'impactu medra y non solo nel medioambiente.
Coles mires de promover un consumu responsable ente la sociedá y xenerar mayor compromisu ambiental ente les organizaciones naz el compromisu Entrega Responsable.
La plataforma d'empreses pola movilidá sostenible axunta a mediu centenar d'organizaciones públiques y privaes qu'apuesten por ufiertar alternatives al consumidor más respetuoses, dende la fabricación de los productos, pasando peles condiciones llaborales de les persones, hasta la entrega final.
L'últimu informe fechu por esta plataforma indica que siete de cada diez compres online son impulsives, fáense ensin pensar. Nueve de cada 10 son a casa y los unvios esprés, en menos de 24 hores, aumenten un 10% cada añu.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL