Natural Mining Resources espera crear 3.000 trabayos en dos años

El so negociu consiste en vender un amiestu de tipos de carbón tratáu pa cada tipu de veceru  

Natural Mining Resources espera crear 3.000 trabayos en dos años sacando y vendiendo carbón a tol mundu. La empresa, de capital asturianu y español, reabrirá darréu la mina de Pilutuertu, en Tinéu y la de Carbachu, en Cangas del Narcea.

Nuna entrevista a TPA Noticies Matinal, el director d'Anovación y Desendolcu de Natural Mining Resources, Javier Martínez, esplicó que NMR da una vuelta al negociu del carbón, vendiendo l'amiestu y composición afayadizu pa cada veceru y compitiendo directamente con un operador multinacional en Roterdam. D'ehí que necesiten cuntar con gran producción de mines nacionales.

Estracción d'arcilla, litiu y cobaltu amás d'investigación en carbón, completen el plan de negociu de NMR pa los años vinientes.