Alemaña, ente los cinco principales socios internacionales d'Asturies

El país vota nos comicios que marquen el fin de la 'era Merkel'

Alemaña celebra elecciones xenerales nos comicios que marquen el fin de la 'era d'Angela Merkel', tres 16 años nel poder. Tán convocaos más de 60 millones de ciudadanos.

Los últimos sondeos presenten una leve ventaya pal Partíu Socialdemócrata del vicecanciller y ministru de Finances Olaf Scholz, frente al aspirante conservador y correlixonariu de Merkel, Armin Laschet.

En 2017, les anteriores xenerales, l'índiz de participación tuvo nun 76,2%.

Con estes elecciones, llega'l fin de la 'era Merkel', que se va convertir na canciller con más años nel poder.

Agora trátase de saber cómo va afectar el nuevu tiempu políticu al conxuntu d'Europa.

Alemaña, ente los cinco principales socios internacionales d'Asturies

Alemaña ye importante p'Asturies. Siempres ta ente los cinco mercaos esportadores.

Mercamos más que vendemos, anque anguaño, escepcionalmente'l valor de les esportaciones supera al de les importaciones. Les relaciones comerciales ente Asturies y Alemaña sofítense na industria.

Estabilidá y enfotu, son les traces que definen les relaciones comerciales ente Alemaña y Asturies. Les elecciones de güei nun faen prever un viraxe, anque hai la posibilidá de que s'igüen nueves coaliciones.

Alemaña ye exemplu p'Asturies pola so defensa de la industria como motor económicu, pola capacidá esportadora de les sos pymes y pola so transición enerxética, según destaca'l catedráticu de la universidá d'Uviéu, Juan Vázquez.

El sistema electoral alemán obliga a negociar coaliciones de Gobiernu, a les que tán mui avezaos. Si'l resultáu d'estos comicios paezse a lo qu'indiquen les encuestes, el futuru executivu va ser de tres partíos.

El resultáu de les elecciones alemanes nun van poner en dulda los fondos europeos, pero sí los plazos.