Arcelor ganó 8.667 millones en 2022

La dirección de Mittal va siguir cola so estratexa de medría y descarbonización

El beneficiu netu d'Arcelor en tol mundu quedó en 8.667 millones d'euros. Esto ye un 37% menos que l'añu anterior.

L'añu foi a peor según avanzaben los meses. Tanto que nel últimu trimestre'l beneficiu netu cayó un 93%. Tamos falando de comparanza añal.

Énte estos resultaos, ¿qué ye lo que diz la compañía? Ellos ven que lo que fixeron les empreses nesta última parte del añu foi liquidar les esistencies. Asina qu'agora, colos almacenes vacíos -pa entendenos-, volverá mercase aceru.

Son declaraciones d'Aditya Mittal, conseyeru delegáu d'ArcelorMittal. La demanda mundial d'aceru (escluyendo China) xuben ente un 2 y un 3%.

Otru tema importante, y enforma pa equí, p'Asturies. La dirección de Mittal diz que va siguir cola so estratexa de crecedera y descarbonización. Recordamos que la cifra d'inversión p'Asturies y Sestao ye de 1.000 millones d'euros.
​​