ArcelorMittal ganó 1.330 millones d'euros nel primer semestre

Les ventes de la compañía na primer parte del añu fueron inferiores a les de 2023
El grupu siderúrxicu ArcelorMittal rexistró un beneficiu netu de 1.442 millones de dólares (1.333 millones d'euros) nos seis primeros meses del añu, aproximadamente la metá del llográu nel mesmu periodu de 2023, según informó esti xueves la empresa.
ArcelorMittal, unu de los principales productores d'aceru del mundu, alvirtió amás de que les actuales condiciones de mercáu son "insostenibles" pol escesu de producción de China y la so baxa demanda interna, que valten los precios del aceru n'otros mercaos.
"L'escesu de producción de China en relación a la so demanda tien como resultáu márxenes domésticos mui baxos pal aceru y esportaciones agresives; los precios tanto n'Europa como n'Estaos Xuníos tán per debaxo del costu marxinal", dixo nun comunicáu.