Campoastur salva con éxitu 2020 medrando ventes

Destaca la medría de la demanda de lleche

Campoastur zarrará 2020 con unes ventes en términos brutos que ronden los 64'5 millones d’euros. La cooperativa, una de los referentes nel suministru agrícola y ganaderu d’Asturies, ameyoró esta cifra en más d’un 2% al respective de 2019.

La entidá acaba d’inaugurar en Xarrio, Cuaña, una nueva tienda qu’esta mañana visitó la directora xeneral de Desendolcu Rural y Agroalimentación, Begoña López.

Campoastur algamó salvar con éxitu 2020. En plena pandemia, la cooperativa medró les sos ventes en 1'3 millones al respective a 2019, daqué más del 2%. Significativa foi la medría na demanda de lleche.

Datos qu’afiten una medría na actividá de la cooperativa al respective d’años anteriores y que namás se vieron frenaos na venta de carburante o na d’alimentación destinada al sector turísticu.

Si bien l’añu pasáu foi difícil en cuantes a la organización del trabayu, nun torgó, señalen dende la dirección, atender les demandes de los sos socios.

Campoastur cunta con 18 tiendes cooperatives. La última, esta de Xarrio, da trabayu a dos persones cola perspectiva de medrar a cuatro a mediu plazu.