L'alministrador concursal de Cogitrans acusa al actual propietariu de manipular les sos cuentes

Cecchini va pidir al xuez que los propietarios vascos asuman tola delda

L'alministrador concursal de Cogitrans acusa a los sucesores de la empresa d'amañar les cuentes de la compañía de tresporte antes de mercala.

Según l'informe unviáu al xuez, la empresa vasca actual que se fixo cola actividá de Cogitrans entró na compañía antes de la so venta, esviando ingresos de l'asturiana a empreses del so grupu y amestando gastos adicionales nel so beneficiu.

Por ello l'alministrador concursal Carlos Caicoya Cecchini va pidir al xuez que los propietarios vascos asuman tola delda de más de 3 millones y mediu.

Cogitrans, que cunta con 27 trabayadores, entró en concursu d'acreedores y foi vendida'l pasáu mes de xunetu.